Girls can be Petty Sha. Na so this girl come my side, I come go meet am for where bike drop her. As I reach the place I jam boys for there and those niggas too dey tax me when they see me, me wey my music never blow. As I no get money to give them na so I bone face go pick the babe, she one hug me I just drag am commot I no one look anybody face because na billing go follow. We got home not up to 10min babe talk say she dey comot, but you just enter na why you dey comot so early, she insisted on leaving, na so she comot ooo. I come call her say why you leave like that. Na their she come bust me say me " am ashamed of her in public but I can lash her in private " na so I try explain to am ooo say na because of those boy na him make me strong face, she no believe ooo chaiiiiii. Small change wey I no wan arrange for boys don make me loose my breakfast. Stinginess no good. Make I check whether my Vaseline remain jaree.